నేను నా గీత దాటి నీ మైదానంలోకి
వచ్చానని సంబరపడ్డాను !
కానీ నువ్వన్నావ్ !
"నీ గీతఐతే దాటావేమో ! కానీ నా మైదానంలో నువ్వింకా అడుగుపెట్టలేదు " .
నిన్ను చేరాలనే నా గీత దాటినవాణ్ని.
తిరిగి పోలేను.
ఎంతకీ కానరాని నీ గీతని దాటడానికి ,
నిన్ను చేరడానికి,
నేనంతటా వెతుకుతున్నాను.
ప్రతీ మైదానంలో అడుగుపెడుతున్నాను.
కానీ, నీ గీతేమిటో నాకంతుబట్టడంలేదు.
అలసి పోయి కూలబడ్డాను ఇలా ఈ మైదానాల్లో,
నువ్వు నీ గీత దాటి నన్ను చేరుతావని ఎదురుచూస్తూ !
